Interbentzio hau Lehen Hezkuntzako 5. eta 6. mailako ikasleei dago zuzenduta, hau da 10 eta 14 urte bitarteko ikasleei.

Ikasle hauek Bilboko edozein ikastetxetakoak izan daitezke, publikotakoak zein pribatutakoak.

Interbentzioak lau ordu eta erdi irauten du eta horrela antolatzen da:

Alde batetik, ordu erdiko bi saio garatzen dira Sarrikondoko udal instalazioak (Madariaga Etorbidea), bat klasean eta bestea pistan. Saio biak egun berean egiten saiatzen da, euriak pistakoa deuseztatzera behartzen ez bagaitu.

Beste alde batetik, geratzen den ordu eta erdia ikastetxetik instalazioetara joan etorriko ibilbidea autobusez egiteko erabiltzen da.

Etortzen diren taldeetako tutoreek eta irakasleek aukeratu ahal dute parte hartzea ala ez.

Halaber, saioak egin aurretik, “Jira Biran” materialaren bitartez, klase bakoitzak landu ahal du ikastetxean bertan Bide Hezkuntzari buruzko zenbait eduki. Aipatutako materialaren banaketaz udaltzainak arduratzen dira kurtsoaren hasieran.

• Partehartzaileak arauen eta jarrera seguruen beharra onartzea egoera arriskutsuak ekiditeko.
• Partehartzaileak jokabide arriskutsuak egitearen arrazoiak aztertzea.
• Partehartzaileak taldearen eragina nabaritzea erabaki propioak hartzerakoan.
• Partehartzaileak taldearen eraginaren menpean erabakiak hartzeko arriskuaz kontzientea izatea.

Ahalik eta metodologia aktiboen bultzatzen dugu, ekintzetan ikaslegoaren inplikazioa lor dezagun, edukien gaineko hausnarketa eta barneratzea errazteko asmoarekin.

Edukiak:

• Norberaren eta besteen arriskuen pertzepzioa.
• Jokabide seguruak oinezko, bidaiari eta gidari moduan eginiko desplazamenduetan.
• Elkarbizitza eta trafiko arauak.
• Besteoi zuzendutako begirunea.
• Besteen eraginaren pertzepzioa.
• Jokabide asertiboak.
• Eragin arriskutsuak aurre egiteko estrategiak.

5. mailako ikasleei zuzendutako ekintzak:

• Jarreretan arauek duten garrantziari buruzko jokoa.
• Jokabide seguruen gaineko lana ikasle gutxi osatutako taldeetan.
• Kasuen azterketa/ analisia (arriskuak identifikatu eta jokabide seguruak bilatu).
• Bide Hezkuntza pistan eginiko simulazioa.

6. mailako ikasleei zuzendutako ekintzak:

• Besteen eraginari buruzko dilema morala.
• Arriskuen gaineko eskala.
• Eraginari buruzko jokoa.
• Elkarrizketa gidatua.
• Bide Hezkuntza pistan eginiko simulazioa edo Bidegorritik eginiko ibilbidea.

• Partehartzaileak adinarekin loturiko mugei buruzko hausnarketa egitea.
• Partehartzaileak muga horiek segurtasunean duten garrantziaz jabetzea.
• Partehartzaileak bere bide portaeren eta jokabideen gaineko gogoeta egitea.
• Partehartzaileak bere portaerek eta jokabideek ume txikiengan duten eragina baloratzea.

Metodologia aktiboa eta partizipatiboa bultzatzen dugu, partehartzaileek ahalik eta gehien inplika dezaten saioan.

Garatzen diren edukiak honako hauek dira:

• Pertsona helduen arrisku faktoreak trafiko istripuetan: adinarekin loturiko aldaketa fisikoak eta psikologikoak eta portaera arriskutsuak.
• Pertsona helduen intzidentzia trafiko istripuetan.
• Auto babesa bultzatzeko neurriak ibilbideetan.
• Besteenganako begirunea.
• Erantzukizuna.

Ekintzak:

• Segurtasunean eragina duten adinarekin loturiko aldaketa fisiko eta psikologikoei buruzko ideia euritea.
• Aldaketa horien eta loturiko arriskuen gaineko azterketa/ analisia.
• Oinezko, bidaiari eta gidari moduan eginiko ibilbideetan jokabide seguruei buruzko aurkezpena.
• Gure jarrerek eta portaerek ume txikiengan duten eraginaren gaineko elkarrizketa gidatua.

Zenbait adinetako pertsonak dira, urritasunaren bat dutenak, fisikoa zein zentzumenekoa edo adimenekoa.

Parte hartzen duten elkarte eta ikastetxeetako batzuk honako hauek dira:

• Bizkaiko Gorren Ikastetxe elkartea (Gregorio Ybarra).
• Otxarkoagako Prestakuntza Zentroko Zereginen Ikaskuntzarako Gela.
• Adimen ezintasuna duten pertsonen aldeko Gorabide elkartea.
• Hirugarren adineko AMUBI elkartea, ONCE- koa dena.

Interbentzioak bi orduko iraupena du, ordu bateko bi saiotan banatzen direnak. Saio biak Sarrikondoko udal instalazioetan garatzen dira (Madariaga etorbidea), bat klasean eta bestea pistan. Halaber, egun berean egiten saiatzen da, euriak pistakoa deuseztatzera behartzen ez bagaitu.

Gehienetan, talde hauetako irakasleek eta monitoreek parte hartzen dute saioetan, praktikoan zein teorikoan.

Helburuei dagokienez, talde bakoitzeko ezaugarriak eta premiak kontuan izanda zehaztuko dira. Hala ere, helburu nagusitzat honako hauek hartzen ditugu:

• Partehartzaileak egoera arriskutsuak saihesteko jokabide seguruen garrantziari buruz hausnartzea.
• Partehartzaileak ibilbideetan estrategia seguruak sortzeko premia nabaritzea.

Erabiltzen ditugun metodoak oso partizipatiboak eta aktiboak dira. Dena den, taldeak hain ezberdinak direnez, metodologia, edukiak eta ekintzak bezala, bakoitzeko ezaugarrietara eta premietara egokitu behar da.

Era berean, talde hauekin garatzen diren ekintzen batzuk urritasunik ez duten taldekoekin egindakoen antzekoak dira baina beharrezkotzat jotzen diren arloetan egokituak.

• Partehartzaileak gurasoen portaerek eta jokabideek seme- alabengan duten eraginari buruzko hausnarketa egitea.
• Partehartzaileak seme- alaben aurrean portaera desegokiak eta arriskutsuak egiteko arrazoi nagusiak aztertzea.
• Partehartzaileak umeen segurtasunerako dispositiboak erabiltzearen premia baloratzea istripuak ekiditeko.

Metodologia aktiboa erabiltzen dugu, partehartzaileek ahalik eta gehien inplika dezaten, gogoeta bultzatzeko asmoz.

Edukiak:

• Bide arriskuak eta horien ondorioak.
• Seme- alabenganako eragina.
• Prebentzio estrategiak.
• Umeen segurtasunerako dispositiboak eta erabiltzeko era egokia.
• Erantzukizuna.
• Zirkulazio arau sistemaren onarpena norberen eta besteen segurtasuna bultzatzeko.

Ekintzak:

• Seme- alabekin egiten ohi diren portaera arriskutsuen gaineko ideia euritea.
• Gurasoek izaten dituzten portaerei buruzko umeek esandako esaldien azterketa/ analisia.
• Gurasoek seme- alabekin eginiko portaera arriskutsuei buruzko autokasuen azterketa (arrazoiak, ondorioak eta alternatibak).
• Umeen segurtasunerako dispositiboen gaineko aurkezpena.
• Taldeko eztabaida gurasoen portaerek eta jokabideek duten eraginari eta ardurari buruzkoa.